ਪੌਦੇ ਲਾਉਣ ਦਾ ਕੰਮ ਆਰੰਭ

ਅੱਜ ਪਿੰਡ 'ਚ ਵਾਤਾਵਰਣ ਦੀ ਬਿਹਤਰੀ ਲਈ ਪੌਦੇ ਲਾਉਣ ਦਾ ਕੰਮ ਆਰੰਭ ਕੀਤਾ ਗਿਆ। ਜਿਸ ਤਹਿਤ ਪਿੰਡ ਦੀ ਸ਼ਮਸ਼ਾਨ ਘਾਟ ਅਤੇ ਹੋਰ ਜਨਤਕ ਥਾਵਾਂ 'ਤੇ ਪੌਦੇ ਲਗਾਏ ਗਏ। ਇਸ ਮੌਕੇ ਮੋਹਤਬਰ ਚਰਨਜੀਤ ਸਿੰਘ ਪੂੰਨੀਆਂ ਨੇ ਦੱਸਿਆ ਕਿ ਇਸ ਵਾਰ ਪਿੰਡ 'ਚ ਪਿਲਕਣ, ਬੋਹੜ ਅਤੇ ਪਿੱਪਲ ਦੇ ਪੌਦੇ ਲਗਾਏ ਜਾਣਗੇ, ਜਿਨ੍ਹਾਂ ਨੂੰ ਲਾਉਣ ਦਾ ਕੰਮ ਅੱਜ ਤੋਂ ਆਰੰਭ ਕੀਤਾ ਗਿਆ। ਇਸ ਮੁਹਿੰਮ 'ਚ ਉਚੇਚੇ ਤੌਰ 'ਤੇ ਪੰਚ ਸੁਖਵਿੰਦਰ ਸੋਨੀ ਰਾਏ, ਸਾਬਕਾ ਸਰਪੰਚ ਹਰਜਿੰਦਰ ਕੁਮਾਰ, ਸਾਬਕਾ ਪੰਚ ਮਨਮੋਹਣ ਸਿੰਘ, ਹਰਜਿੰਦਰ ਸਿੰਘ, ਸੁਖਪ੍ਰੀਤ ਸਿੰਘ, ਤਰਸੇਮ ਲਾਲ ਆਦਿ ਤੋਂ ਇਲਾਵਾ ਹੋਰ ਬਹੁਤ ਸਾਰੇ ਪਿੰਡ ਦੇ ਮੋਹਤਬਰ ਸੱਜਣ ਹਾਜ਼ਰ ਸਨ। ਇਨ੍ਹਾਂ ਪੌਦਿਆਂ ਨੂੰ ਪਾਣੀ ਲਾਉਣ ਦੀ ਸੇਵਾ ਤਰਸੇਮ ਸੇਮਾ ਨੇ ਸਾਂਭ ਲਈ ਹੈ। ਪੂਨੀਆਂ ਨੇ ਦੱਸਿਆ ਕਿ ਇਹ ਮੁਹਿੰਮ ਲਗਾਤਾਰ ਚੱਲੇਗੀ ਅਤੇ ਇਸ ਲਈ ਟਰੀ ਗਾਰਡ ਵੀ ਬਣਾਏ ਗਏ ਹਨ।